Rosseland var tidvis gode og effektive mot Brusand i den første seriekampen på heimebane etter ferien. Even Sel sende vertane i leiinga då han heada ein corner i mål etter berre seks minutt. Runar Haugland og innbyttar Are Gabriel Høyland sørga for 3-0 til pause, etter ein omgang utan det heilt store tempoet.
Per Haugland kom direkte frå Kreta og fastsette resultatet til 4-0 med ei frisparkperle i andre omgang. Rosseland var ikkje effektive etter pause, men hadde god kontroll på kampen og kunne vunne meir.